Como o prometido é débeda e o tempo nos acompañou, uns trinta membros de Seixebra saímos a cantar os Reis polas rúas de Santa Lucía.
Para moitos deles era a súa primeira vez, e aquí estabamos os veteranos para meterlle o bicho da festa no corpo.
Cantar, o que se di cantar non o faciamos moi ben, pero xa se sabe que nestes casos a intención é o que conta.
Moitas grazas a todos os que nos quixestes escoitar e nos destes aguinaldo.
