As flores da Seixebra que baila e canta

SEIXEBRA SAÚDA AO 2012

2012-01-23T14:53:00.000-08:00

2012. Un ano máis para continuar aprendendo, bailando, cantando, tocando, ensaiando, compartindo experiencias…Un ano máis para engadir á historia de Seixebra. Un ano máis no que ir a festivais, preparar unha nova edición do noso propio, facer actuacións arreo para lograr unha viaxe do nivel da de Valencia de outubro de 2011.

Doce meses de 2012 para continuar facendo obradoiros relacionados coa nosa cultura popular, para ser acompañamento en moitas vodas, para propagar máis o noso nome, para chamar ás portas de moitas casas e seguir cantando os reis, para deixarnos levar nos seráns… ou o que é o mesmo, doce meses para seguir sendo Seixebra e medrando como tal.
Para coller con forza o ano que estamos empezando a mellor motivación é recordar as compensacións que son froito de todo o traballo realizado. Unha das mellores compensacións de todo o esforzo da asociación e dos seus membros foi o seu paso por Valencia a finais de outubro. Foi un impulso para o grupo e para continuar…Velaquí unha das imaxes máis fermosas desta viaxe.

PICHI E LUIS EN FOLK IN TRÍO.PARA ESCOITAR E REFLEXIONAR

2011-11-19T15:45:00.000-08:00

As entrevistas de Pichi e Luis no programa radiofónico Folk in Trío son unha boa excusa e unha boa oportunidade para coñecer máis de cerca aos profesores de Seixebra e, sobre todo, para coñecer o importante labor que realizan para difundir e transmitir o folclore galego, porque... todo o que nos aprenden ten procedencia e historia.

Ás veces non está demais deterse a pensar para ser conscientes de todo o saber que estamos a adquirir e todo o que levamos aprendido dende aquel outubro de 1998, cando un grupo de persoas empezamos a clases de baile, pandeireta e gaita no local do Buelo. Desas clases nace Seixebra e con esas clases de Pichi, María e Luis e os esforzos dos seus membros se alimenta.

Hoxe somos moitos os grupos que recreamos este saber para que perviva no tempo, pero o que está claro é que de non ser por persoas como os profesores que temos en Seixebra moita desa cultura quedaría soterrada. É un orgullo dende Seixebra poder aportar un graniño a esta causa e formar parte desta cadea de difusión do folclore popular.

Cantamos, bailamos e tocamos para transmitir un saber herdado e evitar que morra. Non vos parece unha encomenda de moita valía? Só vos convido a escoitar estas entrevistas para valorar o que temos entre nós e detervos a pensar para responder á pregunta.

LINK PARA AS ENTREVISTAS:

http://folkintrio.blogspot.com/p/arruando.html

A.C. SEIXEBRA

VIII FESTIVAL FOLCLÓRICO CARNEIRO AO ESPETO

2011-07-19T14:31:00.001-07:00

Estades tod@s convidad@s, non faltedes!!

Sarria xuño 2011

2011-06-06T12:27:00.000-07:00

Esta fin de semana andivemos por terras de Sarria cos que, ata hai moi pouco, eran os pequenos de Seixebra. E digo eran porque xa son os medianos e moi pronto serán dos maiores.
Da gusto ver como medran e como Seixebra medra con eles, teñen xusto os anos de Seixebra xa que María mamá empezou a dar clases de pandeireta en Moraña embarazada de María, e Laura viña a recoller a Zaida ós ensaios embarazada de Xián. E aquí os temos agora deixando a Seixebra en moi bo lugar por alá onde van.
A verdade que o que se plantexaba como un día de agobio de actuación, converteuse nun día moi agradable, ata levamos moi ben o do autobús.
Coma sempre a compañía faino todo, a actuación estivo ben e os pinchos...fantásticos.
Anapink.

Baila rapaza

2011-05-03T15:32:00.000-07:00

Velaquí Baila arrebolos, do disco Retellando, de Ardentía. A partir de 1´30" podedes escoitar a peza Baila rapaza. Lembrádesvos? ;-)

SEIXEBRA NA AÑA URBANA 2011

2011-04-18T15:24:00.000-07:00

Seixebra foi un dos grupos participantes na Aña Urbana 2011. Velaquí imaxes dos grupos participantes.

A MOSTRA DE ENTROIDO NO DIARIO DE AROUSA

2011-03-23T16:24:00.000-07:00

DIARIO DE AROUSA 23-03-11

MORAÑA

Seixebra recoge en una muestra sus doce años de participación activa en el Entroido morañés

M. ANGUEIRA > MORAÑA
Los maniquíes con trajes de Carnaval se exponen acompañados de fotografías de los desfiles. alicia saavedra
La asociación Seixebra, creada en Moraña en el año 1998 para trabajar por la recuperación de las tradiciones y cultura de Galicia, acaba de inaugurar en la Casa de Cultura de Santa Lucía una exposición en la que recoge su trayectoria de doce años como animadores y participantes en el Carnaval del municipio.

La muestra, que puede verse hasta el 4 de abril de 10 a 13 y de 16 a 21 horas, refleja el trabajo realizado por la asociación cada año, cuando se acercan las fechas del Entroido, unas fiestas para las que el colectivo confecciona sus propios disfraces, a los que no les faltan el más mínimo detalle. Estos trajes, que permanecían guardados por los miembros de la asociación, han vuelto a salir de los baúles para vestir a los maniquíes que forman parte de la exposición y que se acompañan de fotografías en las que pueden verse a los integrantes de Seixebra en los diferentes desfiles de Carnaval en los que han participado desde el nacimiento de la asociación.

Disfraces de romanos, bailarinas de ballet, jugadores de rugby, animadoras, peces, sirenas o surfistas son sólo algunos de los que pueden verse en la Casa de Cultura, al igual que sus creaciones más recientes, las que utilizaron en el último desfile de Entroido, en el que los más pequeños de la comparsa se convirtieron en esquimales y contaban incluso con un logradísimo iglú.

Evolución del grupo > La muestra no sólo permite descubrir el buen hacer y la originalidad de Seixebra a la hora de elaborar los disfraces, sino que además, a través de las fotografías, puede observarse cómo ha evolucionado la asociación en sus doce años de existencia, fundamentalmente en cuanto al número de integrantes, que comenzaron siendo quince en octubre de 1998 y ahora están a punto de alcanzar los ochenta.

Sus miembros se reparten en las escuelas de baile, gaita, percusión, pandereta y acordeón. Además de trabajar en la recogida de canciones y bailes tradicionales, el grupo participa activamente en muchas otras actividades que se desarrollan en Moraña. Un buen ejemplo son, precisamente, los actos relacionados con el Carnavales, pero también destaca su implicación en otros eventos

Entroido 2011

2011-03-07T05:50:00.000-08:00

Creo que despois de 12 anos participando ininterrompidamente no desfile de Entroido en Moraña, somos un referente neste concello.

Creo que se non foramos botaríannos de menos, máis nada porque onte eramos 80 persoas repartidas entre as catro comparsas.

Creo que neste pobo o da envexa sana non existe e que o de valorar o do traballo dos outros moito menos.
Creo que deberían de cambiar de animador, o paiaso Popín un ano tras outro non nos deixa expresarnos nin realizar as nosas coreografías que duran menos de un minuto.
Creo que está moi ben o da axuda dos 120€ e que ogallá un día seamos tantas comparsas no desfile que non teñamos xente para vernos.
Creo que unha vez vistas as fotos e o desfile, todo o mundo pode apreciar que nós si traballamos ( ningún dos nosos disfraces é mercado ou alugado).
Creo que merecemos o premio e creo que o ano que ben seremos máis.

Bicos a tod@s.Anapink

Xornadas de convivencia Cangas-Vigo

2011-01-10T12:00:00.000-08:00

Esta fin de semana os máis novos de Seixebra actuaron en Cangas no primeiro festival infantil da agrupación "Lembranzas da ría". Saíunos unha actución bastante boa ( comentario de Pichi, xa sabedes que o meu non é o máis fiable porque para as mamás sempre está todo ben). Ibamos bastante ben vestidos( menos algunhas uñas, pearcings,...) e era deses días do ego subido.
Confraternizamos nos pinchos (algúns máis ca outros, non Xoel?) e cargamos os coches dos papás que viñeron a vernos porque nós quedabamos a durmir.
Chegamos ás carreiras ó hotel "Airiños" porque chovía a mares. E todo foron carreiras: reparto de cuartos e correndo outra vez para o restaurante. De volta, preparativos dos que ían a sair e carreiras dos máis pequenos de cuarto en cuarto.
Toque de queda ás doce, segundo aviso á unha, ás tres chegaron os que saían, ás sete xa saltaban os da habitación do lado,... de durmir NADA. (Isto é o que peor levo).
Almorzo ás nove e media e despedida dos que ían xogar, por certo GAÑARON.
Coñecemos o parque galáctico de Cangas ( todos queren un en Moraña, así que farémosllo saber ás autoridades locais) e collemos o barco cara Vigo.
Non fai falta que diga que despois do sábado chuvioso saíu un domingo de sol resplandeciente que aproveitamos para ir na cuberta do barco.
Fomos de shopping por Vigo e visitamos no MARCO unha exposición de Virxilio Viéitez, comemos e camiñamos ata a praza do Rei onde está colocada a pista de xeo.
As tres da tarde non había ninguén e os monitores ó ver tantas nenas guapas portáronse. O pobre Xián limpou toda a pista e nadie lle botaba unha man pero a Idalia sempre a levaban do brazo. O tempo de aluguer é corenta e cinco minutos e a nós deixáronnos hora e media, e porque marchabamos, que senón me parece que algún alí seguiría.
Patri escordou unha man pero nin sequera se queixou.
Bueno esto daría para moito máis pero xa remato. A verdade é que esta excursión de convivencia foi desas que se queres que saian moi ben non o consegues e, a pesar de que foi todo un pouco ás carreiras , foi XENIAL.
Nin decir ten que todos se portaron estupendamente, eu tamén. UN bico a tod@s

Cantamos os Reis.

2010-12-30T11:27:00.000-08:00

Como o prometido é débeda e o tempo nos acompañou, uns trinta membros de Seixebra saímos a cantar os Reis polas rúas de Santa Lucía.
Para moitos deles era a súa primeira vez, e aquí estabamos os veteranos para meterlle o bicho da festa no corpo.
Cantar, o que se di cantar non o faciamos moi ben, pero xa se sabe que nestes casos a intención é o que conta.
Moitas grazas a todos os que nos quixestes escoitar e nos destes aguinaldo.

Cantamos os Reis.

2010-12-30T01:24:00.000-08:00

Andamos a cantar os Reis, queredes que vos cantemos?
Esta é a frase coa que se presentan os que chaman á porta cada ano en Moraña. Moitas veces é un...cantade logo, pero tamén moitas é un... non, non teño ganas.
Por iso, anque pidamos aguinaldo, o máis importante é que nos deixen cantar e un ou dous euros ou un puñado de caramelos son suficientes para o aguinaldo.
Así que hoxe pola tarde a partir das cinco, os membros máis novos da a.c. Seixebra (e os non tan novos) percorreran as rúas de Santa Lucía cantando os reis e pedindo aguinaldo fieis a unha tradición coa que Seixebra leva máis de dez anos.

XENEBRA

2010-12-08T02:04:00.000-08:00

Isto foi todo o que nos durou a viaxe.....

Autobús Moraña-Aeroporto de Porto.Saída16:15 horas
Facturar maletas
Pasar control de seguridade
NON pasamos o control de pasaportes porque xa sabían que non voávamos
Coller posición na primeira fila
Merendar
Aviso de cancelación
Recollida de maletas
Autobús Porto- Moraña. Chegada 24:30 horas

Seguirémolo intentando

QUENTANDO MOTORES PARA XENEBRA, 3, 2,1 .... VEÑA QUE VAI!!

2010-11-10T11:43:00.000-08:00

Xa estamos a menos dun mes para que Seixebra pique no chan da capital Suiza. De aí que os ensaios empecen a intensificarse para a posta a punto da primeira actuación do grupo fóra da Península Ibérica. De seguro que o paso de Seixebra polas terras de Heidi marcarán un antes e un despois.

Esperamos deixar moi boas sensacións entre os asistentes á Festa da Irmandade Galega do 4 de decembro e que todos saquemos desta visita o mellor de nós sobre as táboas do escenario.
Comeza a conta atrás e por aquí iremos dando conta da preparación desta actuación tan especial para o grupo.

3,2,1.... VEÑA QUE VAI!!

O VII FESTIVAL FOLCLÓRICO CARNEIRO Ó ESPETO Á VOLTA DA ESQUINA

2010-06-30T11:18:00.000-07:00

Xa queda pouco para o VII Festival Folclórico Carneiro ó Espeto. Velaquí o cartel... este ano contamos coa participación especial das pandereteiras de Toutón, quenes nos ensinaron moitas das cancións do noso repertorio. Ademais contamos co grupo de pandereteiras Xiada, de Palemeira (Riveira), a agrupación Albendeira de Vigo e a actuación do grupo anfitrión, Seixebra.

COMEZA A TEMPADA DE VERÁN

2010-05-28T14:32:00.000-07:00

XA COMEZOU A TEMPADA DE VERÁN E CON ELA AS PRIMEIRAS ACTUACIÓNS, E ANQUE BASTANTE MELLOR QUE ANOS ATRAS ( LEMBRADES AQUELAS NEFASTAS ACTUACIÓNS NA SANTA XUSTA? ), IGUAL DE CANSADAS QUE AÍNDA ESTAMOS DESENTRENADOS.
A DO SÁBADO EN SANXENXO MOI BEN INCLUÍDOS OS PINCHOS, RECOMENDAMOS A BODEGA AGNUSDEI QUE SE PORTARON MOI BEN.
DA ACTUACIÓN DO DOMINGO, MELLOR POÑELA NO ESQUECEMENTO: A ACTUCIÓN MÁIS DURA QUE TEÑO FEITO NA MIÑA VIDA.
BICOS A TODOS E ÁNIMO QUE ISTO NON FIXO MÁIS QUE EMPEZAR.

2010-03-14T08:35:00.001-07:00

Memoria 2008

View more documents from Seixebra.

ENTROIDO 2010

2010-02-15T01:28:00.000-08:00

Despois de tanto traballo xa rematou: tantos días de preparativos, tanto baile, tantos cartóns(todos grazas a Sara que os traía de Don Pino), tanta cola, tanto papel de seda, creo que máis de 100 barras de silicona quente ( o entroido de seixebra non existiría sen a pistola de silicona),... e máis que nada grazas a vos , 75 persoas que desfilamos onte por Moraña. Algún con moitas ganas porque isto nos encanta e outros un pouquiño obrigados por iso llo quero agradecer a eles aínda máis.
Este ano foi un pouco especial porque esta family que é Seixebra cada vez se fai un pouquiño máis grande e todo o mundo se contaxia deste traballo colectivo noso. Daba gusto entrar no local do Buelo e ver a todos traballando dende o máis pequeno ata o máis grande, anque ás veces fose un pouco caótico. Todos os disfraces teñen un pouquiño de todos os de Seixebra dando igual na comparsa na que foramos, todos fixemos escamas, pegamos peixes, pintamos tablas, fixemos colares...
Estou moi contenta de todo este traballo e anque esta fin de semana xa estaba moi agobiada, XA REMATOU E XA ESTOU PENSANDO NO DO ANO QUE VEN.

O mellor:
- Para mín os surfeiros, era unha pasada vervos no desfile.
- Os papás que foron cos peixes (Mila,Loly, Cris, Paco, Marcos, Lourdes, Bea,...)
- A serea Mamá que coidou das sereíñas ( e todas as outras mamás acompañantes).
- A tod@s @s que deixaron a vergoña na casa e disfrutaron no desfile.
- A todos os que pasaron horas facendo disfraces ( non poño os nomes que non caben os que estivestes alí xa o sabedes)
- Ensinarlle a todo o mundo que somos un grupazo.
- O espirito seixebra.
O peor:
-NADA.

Primeiro premio para...Aloha Hawai

2010-02-15T01:20:00.000-08:00

ESTUPENDAS, DIVINAS,..... TÓDOLOS COMENTARIOS QUEDARÍAN CURTOS PARA DESCRIBIRVOS E MÁIS CA NUNCA O ESPIRITO SEIXEBRA ESTIVO AHÍ MOITAS GRAZAS A TOD@S

Muiñeira de Trasmonte en Youtube

2010-02-07T08:46:00.000-08:00

CONTA ATRÁS PARA ENTROIDO SEIXEBRA

2010-02-07T03:05:00.000-08:00

Mozos e mozas,

como sabedes de hoxe en sete días estaremos a piques de disfrazarnos e de amosar todo o traballo realizado nestas intensas xornadas.
Dende Seixebra queremos agradecer a participación e entusiasmo posto en cada unha das peciñas das que se compoñerá o Entroido deste ano. Porque en cada anaco do que levemos hai algo de cada un.
Grazas a tod@s os que estades,

aos papás e ás mamás dos peques por estar aí e aportar ganas á elaboración e confeción da vestimenta para eses días.
aos membros de Seixebra que pintaron, recortaron, debuxaron... e prestaron do seu tempo para que todo saia como nos gusta
ás cabeciñas das que saen estas ideas, que sen a axuda de todos difícilmente poderían porse en práctica.

Unha vez máis, grazas equipo

AQUÍ ESTAMOS OS DOS REIS

2010-01-03T07:17:00.000-08:00

Aquí estamos os dos reis,

dispuestos para cantar,

si ustedes nos dan licencia,

vámolos a comenzar

Mañá luns, 4 de xaneiro é o día de continuar coa tradición e seguir dándolle vida aos cantos de Reis. As voces de Seixebra e o son de instrumentos como pandeireta, botella de anís, culleres, cunchas... poñerán a nota tradicional do Nadal en Moraña.
Un ano máis algúns veciños do concello terán a oportunidade de escoitar estes cantos típicos do Nadal, unha costume que Seixebra recuperou en 1999.

Se nolo habedes dar,

non tendes que lle esperar,

vamos a correr Galicia

e o reino de Portugal

ailalala ailalala ailalala....

Entrevista Ana Rosa: «Só un mandil pode custar 90 euros, facelo leva tempo pero queda bonito»

2009-11-22T04:52:00.000-08:00

Velaquí deixo a entrevista que lle fixo Cristina Barral de La Voz a Ana Rosa con motivo dos obradoiros que Seixebra organizou para os meses de outubro e novembro.

Saúdos!

ANA ROSA VIDAL Presidenta da Asociación Cultural Seixebra
Autora: Cristina Barral
Xornal: La Voz de Galicia

Link: http://www.lavozdegalicia.es/arousa/2009/11/22/0003_8123112.htm

Ana Rosa Vidal, mestra de profesión, preside desde a súa fundación hai dez anos a Asociación Cultural Seixebra de Moraña. Tamén imparte cursos de exaltación do traxe galego. Para o 2010 pensa xa en clases de elaboración de pendentes.
-¿Cantos socios ten o colectivo?
-Neste momento unhas cincuenta persoas, desde nenos ata xente de 50 anos. A asociación xurdiu dunhas clases de pandeireta que houbo en Moraña e a partir de aí montouse un grupo. Ao principio eramos dez persoas.
-Este outono impartiu cursos de bordado de abelorios e pasamanería. ¿Que tal foi?
-Moi ben, nos dous casos cubríronse todas as prazas e no de bordado quedou xente fóra. A xente aprendeu a facer colares tradicionais con bolas de acibeche e tamén bordados de pasamanería, que son esas puntillas negras que van por riba.
-¿Como aprendeu vostede a facer estas cousas?
-Empecei no baile xa maior, con vinte anos. A miña asignatura pendente era o baile galego. Movéndome no mundo do folclore deime conta de que me gustaba e empecei a investigar para saber. Preguntando cheguei ao Museo do Pobo Galego... Eu fago cousiñas e coa xente máis nova do grupo o que pretendemos é manter os traxes.
-¿Canto custa un bo traxe galego?
-Todo depende do que se queira gastar. Só un mandil bordado pode custar 90 euros. Facelo leva moito tempo, pero queda moi bonito.

De obradoiro en obradoiro

2009-10-26T15:51:00.000-07:00

Da pasamanería bordada pasamos á elegancia dos colares. Si, porque o venres, 30 de outubro é o último día do curso de pasamanería bordada que da paso ao obradoiro de colares, previsto para todos os venres de novembro.

Estas xornadas didácticas, xunto coas actuacións do grupo, son un exemplo do labor de recuperación e exaltación da vestimenta popular, un dos principais cometidos de Seixebra.

Velaquí un exemplo gráfico breve.

Alba está traballando....

2009-10-24T12:08:00.000-07:00

Como se nota que a nosa Alba empezou a traballar e anda moi ocupada, non fixo ningunha entrada, non comentou o noso obradoiro de bordado, non colgou ningunha foto do obradoiro....nada, teremos que deixarlle que se aclimate ó seu novo espazo e logo que nos dedique un pouquiño do seu tempo.
A todos os demais recordarvos que no mes de novembro temos obradoiro de colares e que as prazas son limitadas, 30 persoas de máis de 13 anos, o prazo de matrícula abre o día 2 de novembro. Bicos a tod@s

NOVA TEMPADA. CURSO 2009-2010

2009-09-16T03:38:00.000-07:00

Por aquí aparecemos de novo despois dos días de agosto, das vacacións de cada un, do verán de actuacións...

Setembro e outubro son bos meses para novas incorporacións ao grupo e ir pensando actividades que se poidan realizar en Seixebra.
Xa estamos preparando novos bailes, novas pezas de música, novas cancións... e máis. Así que a ver en qué resulta este curso. O mellor comprobante: sobre os escenarios.

Un saúdo a tod@s!!

DAME UN BESITO EN LA BOCAAAA

2009-08-01T04:25:00.000-07:00

Pois si que é unha bonita canción para o verán esta de Vilarachos. Para que escoitedes.

E DESPOIS DO VI FESTIVAL E DO CARNEIRO A COUSA CONTINÚA

2009-07-30T06:25:00.000-07:00

Velaquí deixo unhas fotiños do festival do 18 de xullo, concretamente son as que aparecen no CARNEIBLOG. Saimos os tres grupos.

Aproveito esta entrada para animar a xente a subir máis fotos e VÍDEOS de actuacións e cousas varias de Seixebra. Se alguén está disposto que fale comigo (Alba), pois este espazo é para participar todos. Así que animádevos, que a cousa continúa!!

CRÓNICA DA VIAXE

2009-07-12T23:51:00.000-07:00

Xa estamos de volta e coma sempre aquí está a miña crónica.
Saímos según o horario previsto cara a Lugo e dúas horiñas de autobús non son nada. Chegamos, repartimos os cuartos, ensaiamos, ceamos e fomos dar unha volta (antes de nada buscar un parque, que non hai excursión en Seixebra sen que probemos os parques alá donde vaiamos). Un pouco de ruído pola noite, desfile de pijamas, cambios de cuartos,...
Levantámonos ás 8 ( o almorzo era ás 8:30) e despois, sesión de peluquería. Xe temos organizado o traballo en cadena:

Molladoras e desenredadoras.
Engominadoras.
Trenzadoras e moñera (traballo especializado de Susana).
Laqueadoras.

Ás 11 xa estabamos todas peinadas e coas maletas no autobús. Paseo por Lugo: paseo pola muralla, tendas, sala de xogos, catedral (anque según Anita ela non vai a Lugo para ver igrexas que para iso xa vai a San Lourenzo), pinchos (os Intrépidos vamos a volver só para ir ós pinchos), e parque, of course.
Comemos no albergue e saímos cara Fabero: sair do autobús e unha calor,... descarga do autobús en cadena (aínda non o temos moi dominado), empezamos a cambiarnos e empezamos a descubrir tamén que somos un grupo de verdade.Somos moitos, ben vestidos e moi ben peinados lucimos un montón.
Pasacalles polo pobo, ás seís da tarde cunha calor abafante ( aquí fantástico o noso Antonio comprándonos augas e indo detrás nosa para que non nos deshidratasemos), menos mal que tocabamos de últimos e cando nos tocou bailar xa case daba a sombra na plaza. Antes da nosa actuación temos que falar da actuaión estelar de Miguelito que se estreou como artista invitado cos de Sarria saíndo moi airoso da súa intervención.
A actuación saiunos bastante ben : iamos un pouco de sobrados e os sorrisos e o bo rollo fan que os fallos non se noten. Antes de sair da actuación xa nos estaban pedindo a teléfono para outro intercambio, todo un éxito. Cambiamonos e xa empezamos a cantar e non paramos ata chegar ó hotel : onda o autobús, na plaza, nos pinchos, fora dos pinchos, no autobús,...everywhere!!! Moi bo rollo, moito baile e moitas risas. O mellor:

Yo quisiera que sepas, parapapá...
O Miudiño de Mar.
Os pinchos moi bos, xa nos temos que esmerar nos nosos.
O bo ambiente cos outros grupos.
Todo o que bailamos, descubrimos que Albita (síntoo pero vaiche quedar o nome) é unha bailarina fantástica,sempre metida na roda e pillando todos os puntos.
O noso himmo: As cunchiñas.
O noitebús coa festa dos anos sesenta.

Durmimos no hotel Madrid en Ponferrada e ás 2 da mañán tivemos que facer un rearrange porque nos faltaba unha das habitacións triples. Almorzamos moi ben e fomos ver o castelo dos templarios ( tempo para a sala de xogos e compras), comemos no hotel, Xoel soprou as velas do seu 13 aniversario e seguimos a viaxe cara a Chantada onde nos esperaba o profe Gaby para levarnos á súa piscina (según palabras de Xiana).
Despois do baño e da terracita, collemos a viaxe de volta cara a casa. A partir de Lalín empezou a chover e nos todos en chanclas ( Sindo encantado, a calor non é para el). Chegamos arredor das nove e non moi cansos, unha viaxe moi relaxada.
CRÓNICA RÁPIDA:
O peor:
- Levantarnos en Lugo ás 8.
- Que as habitacións fosen de 2 e 3. A nos gústanos durmir ó mogollón.
- Algunhas caras. Creo que non fai falta que diga máis o que se sinta aludido/a que pense un pouco e se quere, falamos.
O mellor:
- O noso condutor: Antonio querémoste.
- Cada día gústame máis ir de viaxe convosco.
- O grupazo que estamos conseguindo.
- O que me axudades con Xiana.
- TODO.

Xa non falta tanto para que Xiana baile neste grupo así que, se fomos capaces de chegar ata aquí, axudádeme a conseguilo. Bicos a todos.

VI FESTIVAL CARNEIRO Ó ESPETO

2009-07-08T13:16:00.000-07:00

Despois da fin de semana que pasaremos na provincia de León (lembrade sábado 11 de xullo Seixebra actúa en Fabero), á semana seguinte temos unha nova cita co folclore, pero desta vez nós seremos os anfitrións.

O sábado 18 de xullo Seixebra celebra o seu VI festival enmarcado no programa de actividades do Carneiro ó Espeto. Este ano, por primeira vez contamos coa participación de grupos de fóra de Galicia. Os convidados son o Grupo Folclórico do Concejo de Onís (Asturias) ea agrupación San Blas de Fabero (León). A entrada é de balde.

Data: sábado 18 de xullo de 2009

Hora: a partir das 20:30 horas

Lugar: Patio traseiro da Casa de Cultura ADR Castelao (Moraña)

Estades todos convidados a vir e tamén convidados a convidar a xente!

CONTA ATRÁS PARA FABERO

2009-06-22T11:14:00.000-07:00

Só quedan 18 días para que Seixebra saque puntos e cancións en terras de León, o noso primeiro intercambio de 2009. Esperamos que deste saian outros, pois así son as cousas. Concretamente este é froito da nosa actuación en Benia de Onís (Asturias), non hai nada coma facer contactos para viaxar.

Antes desta esperada saída, sábado 27 de xuño temos a primeira actuación de verán e de aí enganchamos case todas as fins de semana e festas da zona. Así que mozos/as de Seixebra collede folgos e empezade a gozar do recén chegado verán!!

ARRIEIROS DE MORAÑA

2009-05-13T03:48:00.000-07:00

Arrieiros de Moraña foi un dos cantos que soou onte no programa Alalá da TVG a través das voces de Cántigas da Terra.
Como moitos de vós sabedes, este foi un oficio de fama no noso concello, xa que os arrieiros de Moraña eran os que transportaban o viño para as tabernas dende as terras ourensás de O Ribeiro.
Conta Xosé Luis Barreiro Rivas nun artigo do nºVI da revista cultural Cotaredo de Forcarei, que a finais do S. XIX os arrieiros morañeses que ían polo Paraño arriba se detían nas fondas de Vilapouca (Forcarei) a comer carne richada. De aí que por estas terras (Forcarei, Cerdedo, etc) algúns dos máis maiores lembren e ensinen a letra e música do cantar do arrieiro. Unha letra que ao ir de boca en boca, ás veces sofre modificacións pero que vale a pena transmitir para que non desapareza no aire.
Diso, ademais de Cántigas da Terra, tamén se encargaron outros como o músico Emilio Cao que rexistrou unha versión deste canto no seu disco Fonte do Araño (1977).

Qué contades vós deste legado?
Eu voto por que sexa unha peza especial (con selo propio) no repertorio de Seixebra e que nós a recuperemos en Moraña co noso estilo.

P.D. Se queredes ver o programa Alalá de onte (12-05-09) podedes facelo en: http://www.crtvg.es/TVGacarta/?prog=7

INTROTERRA

2009-04-27T09:43:00.000-07:00

Para aqueles de Seixebra que estean interesados informarlles de que: este mes de abril Pepe Vaamonde Grupo (PVG) sacou á luz o seu último traballo discográfico Introterra , composto de 11 temas que amosan de xeito conciso as raíces desta formación nacida para a música en directo.

PVG está a dar a coñecer o seu novo disco por terras galegas a través dunha xira que comezou na Coruña e que continuará por Pontevedra, Santiago de Compostela e Lugo.

Este xoves, 30 de abril a partir das 21:00 horas poderemos velos en concerto no Teatro Principal de Pontevedra. O evento tamén contará coa participación de varios dos músicos que colaboraron na gravación de Introterra.

13 lúas en Ghastas Pista

2009-04-21T01:47:00.000-07:00

Informo para quen lle interese, de que a última entrada deste blog, a de 13 lúas, disco no que entre outros rapaces participan algúns da AC Seixebra, foi subida á web de ghastas pista por Xan Rolei. Se queredes vela seguide este link.

http://www.ghastaspista.com/novas/leenova.php?id=1084&tipo=publicacions

Un saúdo

Alba

AS VOCES DOS NOSOS NENOS EN TRECE LÚAS

2009-04-09T04:13:00.000-07:00

O pasado 3 de abril a Asociación de Gaiteiros Galegos presentou o seu novo traballo audiovisual Trece Lúas. Isto significa que os pais e nais de Seixebra xa poden escoitar as voces dos seus fillos nas cancións que se corresponden cos meses de xuño, xullo e novembro. Ademais tamén temos a oportunidade de velos falando sobre os distintos meses do ano no DVD que acompaña o CD.

O mes de Xuño con Flor da auga é un solo de María que merece a pena escoitar. En xullo xa podemos sentir as voces dos outros protagonistas cantando ao ritmo da Palmeira: Xián, Ana, Diego, Pedro,Miguel, Lucía, Marta e Nuria. Eles todos tamén prestan as súas voces para cantarlle ao San Andrés no mes de novembro.

Dende Seixebra aplaudimos a todos os nenos e nenas que participaron no disco, porque este traballo é un exemplo para achegar aos máis novos un anaco do que somos e do que queremos seguir sendo.

A qué esperades para escoitalo?

PROXIMA PARADA : LEÓN

2009-04-01T03:39:00.000-07:00

Hola! xa estamos preparando a nova viaxe así que reservade na vosa axenda os días 10, 11 e 12 de xullo porque vamos a estar en León. biqiños a tod@s.

Primeiro premio para as animadoras!!!

2009-02-25T13:26:00.000-08:00

Ahí vos vai unha foto das nosas fantásticas animadoras, pero nada como velas ó vivo. Se perdestes a oportunidade de velas en Moraña, non desaproveitedes a ocasión de velas en Campo Lameiro o próximo sábado.Hai moito nivel pero,... será quen Pichi de unirse ó grupo?

XA ESTAMOS DE ENTROIDO!!!!

2009-01-26T01:35:00.000-08:00

Xa queda moi pouco para o Entroido, só catro semanas, e en Seixebra xa nos estamos preparando: o venres foron os primeiros ensaios , peor que unha clase de aerobic; xa fixemos compras; temos o dos nenos encamiñado; pero aínda nos falta moita costura e moitas ideas. Veña cargade os ánimos que xa estamos de festa e temos moito que traballar!!

Festival resaca2

2009-01-16T13:55:00.000-08:00

Hola aquí estamos as do Power Point!! Mira que lle demos voltas... que se non topabamos a foto axeitada, que se non sabiamos cortar o video, que se Julia non saía en ningunha foto.... e os efectos!!! Ó final rematamos poñendo o primeiro efecto que aparecía, pero quedounos moi bonito. Algún día teremos que quedar para velas presentacións e o video, non??
Os Intrépidos, anque no ensaio lles saíu fatal, bailaron moi ben, aínda que botamos en falta a Pepe (que foi o noso cámara).
Uns pequenos con Seceda moi ben bailado, porque para sairlles mal xa lles saíu na Cabalgata.
A xeración perdida quere voltar a bailar. E Noa e Cova xa están ensaiando. Almudena, Verónica, Ricardo e Martín bailando mellor que antes. E un Javi todo orgulloso por bailar ao lado do seu irmán.Tocando Forcarei estaba un Rubén "amazing and very nervous", ese Rubéeeennnn..!!!
Dez anos despois retomamos "Concha" con cunchiñas, culleres e botellas de anís, a audiencia di que quedou moi bonito ( Alba facendo equilibrios coa lata para non caer).
Chegaron as novas xeracións bailando O Bolero, e fagan o que fagan son as estrelas do festival, pero ese día estiveron mellor que nunca!!
O inconfundible "Barro de Arén", dende logo os que máis medramos. Os berros eran máis potentes que hai 6anos e sería imposible volver poñer a roupa que levamos naquel concurso de Santiago. Martín recorda perfectamente como ser guía.
As gaitas soaron moi ben, os tambores tamén ( pero Sindo, ti xa sabes que te necesitamos!). A nosa peza preferida "Caneco con cambio a Pastoriza" (a nosa especialidade).
Caroi: Héctor nerviosito perdio, pero un condutor de baile fantástico; Julia e Cristina como se seguiran bailando, e Eloi bailando moi ben unha peza que non bailara na súa vida.
Rematamos con "Trasmonte", porque a "Cruzada" saía de pena. Aquí Seixebra en estado puro.

En resumo moi ben, moi emocionante. E Ana Rosa non chorou ( aínda que sexa unha chorona, gigi...) Ah, unha cousa o escenario quedounos moi bonito!!

Bicos seixebrunos!!! Mariña e Ana Rosa

RESACA DO DÉCIMO ANIVERSARIO

2009-01-14T07:08:00.000-08:00

Hola! son eu, a dos resumes. Creo que os actos décimo aniversario nos quedaron moi ben, todo moi bonito e moi lucido, anque algúns botaban de menos uns pinchiños na exposición. A exposición preciosa, hai xente que pide que a poñamos no verán outra vez, supoño que será unha boa excusa para poder vir toda a tarde para Santa Lucía , non?
O festival polo que contan fíxose curto e as letras do Power Point non se nos vían ben, ¡despois do traballiño que pasamos, Mariña!
Continuamos noutro momento que teño clase. Bicos a tod@s

FESTIVAL CONMEMORATIVO "DEZ ANOS DE SEIXEBRA"

2009-01-02T16:17:00.000-08:00

Sábado, 3 de xaneiro ás 20:00 horas, baixo unha carpa, no patio da Casa de Cultura ADR Castelao, de Moraña, festival para conmemorar esta década con antigos membros de Seixebra.

EXPOSICIÓN DEZ ANOS DE SEIXEBRA

2008-12-30T02:47:00.000-08:00

Onte foi o primeiro día desta iniciativa que na que todos deixamos algo de nós: tempo de traballo, fotos, vestimenta tradicional, instrumentos... e como podedes ver o resultado é bonito. A exposición Dez anos de Seixebra estará na Casa de Cultura ADR Castelao de Moraña ata o sábado 3 de xaneiro, día no que a agrupación celebra un festival para conmemorar esa década de existencia.

P.D. Esta foto foi realizada xusto cando rematamos de montar a exposcición, rondaban ás 22:30 horas. Faltan algúns membros e membras (jeje) da staff, así que dende aquí van estas palabras para os que non aparecen na foto e merecían aparecer tamén.

Moitos aturuxos para vós!

MOMENTOS SEIXEBRA EN IMAXES E PALABRAS

2008-12-16T10:58:00.000-08:00

Boas a tod@s!
Penso que chegou o momento de facer memoria e lembrar aqueles "momentos Seixebra", porque, como sempre digo, dez anos dan para moito e o feito de cumprir unha década é unha boa excusa para sacar á luz aqueles intres que deixaron rastro e que pouco a pouco foron configurando o que hoxe é o grupo.

É certo que as fotos nos axudarían moito a facelo, pero tamén é un bo exercicio pensar cáles credes que foron aqueles momentos que máis significaron para Seixebra ou que foron especiais por algún motivo para vós en particular. Así tamén poderemos descubrir qué experiencias foron captadas en fotografías, que seguro que están desexando ser expostas.

Pensade que é facer o mesmo exercicio que fan os nosos maiores para lembrar e ensinarnos as coplas e os puntos que eles cantaban e bailaban. É facer traballo de campo en nós mesmos co obxectivo de rexistrar dalgún xeito eses instantes.

Eu por exemplo, recordo...

Aquela primeira clase de pandeireta e baile no local do Buelo en outubro do 98. Con trece anos volvía coller aquela pandeireta que dende os seis non volvera coller, sen embargo... iso do baile rexional era totalmente novo para min.
A mestura de nervios e ilusión da primeira actuación, a carón da igrexa de San Salvador de Saiáns. Estreábamos roupa tradicional.
Un serán ao que foramos a Moaña. Ese día, por fin souben o que eran exactamente aquilo ao que lles chamaban seráns. Ademais con mestres coma os de Toutón...¿quen se resiste? ¿Qué ano sería? ¿1999-2000?
A actuación no comedor do colexio, no ano 2001, para recadar fondos de axuda para os afectados polos terremotos de El Salvador
A primeira voda do grupo: Ana Rosa e Ángel. É incrible a capacidade que temos para facer de convidados e de banda amenizadora á vez e con cambio de vestiario incluído. Ben o volvemos demostrar na voda de Lourdes e tamén na voda de Raquel
Emocioneime o día que fomos a Lira (Carnota) a limpar chapapote. Esa impotencia de ver que todo seguía negro por moito que limpásemos, non se olvida. Tampouco esquezo que aquel foi o día que na praia cantamos con Leilía, Cantar por non chorar.
A mellor referencia temporal que teño do grupo é a filla dos profes, pois Seixebra e ela son xusto do mesmo tempo. Moitos de nós vimos como ambas foron crecendo. Concretamente a María dende que estaba no ventre da súa mamá ata hoxe. Hai que escoitar, qué tesouro de voz está a cultivar esta nena de dez anos. Ten a quen parecerse.

Agora convídovos a seguir escribindo e buscando imaxes, porque hai moitos recordos e anédotas que merecen ser rescatados. Podedes dicir por exemplo cáles das nosas actuacións vos gustaron máis ou qué sitio dos que fomos a actuar vos chamou máis a atención... o que se vos ocorra. Eu continuarei remexendo a ver qué máis sae. Agardo que vós tamén o fagades.

UN ANO DE BLOG

2008-11-26T02:35:00.000-08:00

Como se adoita dicir moitas veces...o tempo voa! Seixebra xa leva un ano na rede. Fíxoo concretamente o 20 de novembro, así, sen que nos decatásemos.

Aproveitamos para dar as grazas a todos aqueles que se animaron a aturuxar, e a aqueles que non o fixeron neste primeiro ano... a qué esperades? Xa sabedes que festa sen aturuxos... non é o mesmo.

SÁBADO 29: PRIMEIRO ENSAIO DE REENCONTRO

2008-11-24T09:43:00.000-08:00

Esa é a data escollida para que algúns dos antigos membros de Seixebra se xunten co resto do grupo para ensaiar a actuación do 10º aniversario, porque como sabedes... queremos que sexa especial. Un resumido repaso dos dez anos de vida de Seixebra a través da actuación de xaneiro na que se recuperarán bailes, cancións e melodías que marcaron os comenzos e a historia do grupo.

O sábado tivemos a primeira reunión para saber quén embarcaba nesta iniciativa que todo o grupo afronta con ilusión. Ás 21:30 horas, no local do Buelo, algunhas tímidas voces empezaban a suxerir qué pezas se poderían recordar.

A data escollida para empezar a quencer motores é o sábado 29 de novembro, ás 20:00 horas no local do Buelo. Velaquí os primeiros pasos desta celebración á que daremos continuidade tamén na rede así que.... en marchaaa!!

P.D E para continuar rompendo o xeo e facer a festa máis rica, pregunto aos que asistiron: qué vos pareceu a reunión do outro día? Ala, a aturuxarrrr

LEILÍA + BARBOD + MOHAMMED EL SAYED no Centro Social Caixa Nova

2008-11-10T16:36:00.000-08:00

Velaquí nova entrada coa información que deixou Pichi nun dos aturuxos. Quen se anime a ir, despois tamén pode animarse a deixar comentarios sobre este concerto aquí.

Este venres, 14 de novembro, en Pontevedra, quen o desexe pode desfrutar da música das padereteiras de Leilía ademais da de Barbod de Irán, e da de Mohammed El Sayed de Exipto. É unha actuación enmarcada no "DUF - V ENCONTRO INTERNACIONAL DE PANDEIROS DE MAO" organizado pola Central Folque.

O concerto terá lugar no Auditorio Centro Social de Caixa Nova ás 20:00 horas. Entrada gratuita.

SEIXEBRA NA PRENSA

2008-10-29T16:57:00.000-07:00

Despois do noso paso por Asturias, ademais de facer balance da actuación tamén está ben falar da nosa presenza na prensa non? Dígoo porque hoxe saímos nas edicións locais de La Voz de Galicia, Faro de Vigo e Diario de Arousa. Nestes dous últimos con foto incluída. Se queredes velos tedes os links no apartado: Novas sobre nós.Un saúdo e...animádevos a subir fotos e facer comentarios. Que vos parece a foto de todos? Estabamos moi engalanados para a ocasión. Foi un bo momento para enmarcar ao grupo no ano do seu décimo aniversario. Pista: este é o noso próximo obxectivo, así que a ver qué se nos ocorre...

Estamos de volta

2008-10-27T10:28:00.000-07:00

Hola! Qué tal estades? Eu teño un gripazo que non podo comigo pero así e todo hai vai o meu resumo da viaxe:

A viaxe de ida fíxoseme curta e a de volta eterna.
Durmir no seminario estivo ben.
A viaxe cara Oviedo moi curta coa sesión de peluquería.
A comida no Terra-astur moi ben, o sitio moi chulo.
Chegamos a Benia e comezan as notas negativas: non collíamos no escenario e tivemos que suprimir parellas; a moqueta do escenario freaba os pés; Trasmonte saiu de pena e eu trabuqueime na cruzada; Pichi púxose fatal e tiveron que levalo a urxencias; a cea que nos deron non foi moi boa e o aloxamento peor.
Para chegar ó albergue dous coches tiñan que cortar a carretera para que puidera pasar o autobús, o albergue (se se lle pode chamar así) tiña os baños fóra , pero era todo un remanso de paz e tranqilidade só se escoitaban as chocas das vacas pola noite. Bueno o ideal para durmir se non fora polos que non se durmiron ata a unha, os que chegaron ás dúas e os que espertaron ás sete. Resumindo que non durmimos nada.
Algún foron de festa ó albergue dos vascos pero creo que eran un pouco bordes. Iso que vo-lo conten os que foron, anque creo que ligaron e todo.
Pola mañá un frío que pelaba, sobretodo os chicos que non se ducharon no container.
Fomos visitar a Santina a Covadonga e a cantar un canto de voda.Marimí e Eloi estaban de aniversario da voda: Moi romántico e emocionante, a todas nos brillaban as lágrimas nos ollos e nos fallaba a voz.Que bonito!
Paramos a comprar algo que nos se pode voltar cos cartos.
A partires daquí empeza a pesadez da viaxe de volta: comemos en Ribadeo, paramos en Mondoñedo e á casa.

Como tódalas viaxes unha vez que estamos aquí xa estou desexando embarcarme noutra, e coma en tódalas viaxes Houbo un pouco de todo:choros (un pouco de mamitis aguda e moito de emoción en Covadonga), risas, QUIQUIRICOS (xa temos dous o de ata 18 e o de máis de 18), pérdida de carteira (creo que non fai falta que diga quen), cotilleos (sempre me entero de todo anque non queirades, xa sabedes que teño un sexto sentido para eso), maravillosos mensajitos do puntas, algunha ten que comprar quitaesmaltes nada máis chegar a Moraña, quedou designada a proveedora de medicamentos, temos xefa de peluquería e axudantas, en Cangas de Onís ir á médica de urxencias é como ir a Lurdes, entras en silla de rodas e saes andando( SANTA IOVANKA DEL BUEN VER), xa sabemos quen vai a ser o que apareza no cartel do festival do ano que ven ,... Bueno non sei se se me olvida algo pero unha vez escrito esto doume conta de que me encanta ir de viaxe convosco .BIQUIÑOS.ANA ROSA.

PRÓXIMA PARADA: ASTURIAS

2008-09-20T12:05:00.000-07:00

Queda algo máis dun mes para a próxima excursión-actuación do grupo. Tamén se pode chamar o noso segundo intercambio, pois imos actuar a Benia de Onís e despois tentaremos que o grupo de alí veña aquí. Recordades o primeiro intercambio? Foi en xullo de 2005, coa agrupación portuguesa Rancho Típico do Ilheu. Nós foramos actuar ao seu festival en Campanha (Porto) e eles viñeran actuar ao Carneiro ao Espeto. Foi moi rápido porque nin sequera quedamos a durmir en Portugal.

Desta vez imos do 24 ao 26 de outubro, polo que hai que ir conllendo folgos para esa fin de semana e por qué non, ir pensando en intercambios vindeiros.

AO REGRESO DE OXFORD... A FOTO PROMETIDA

2008-08-25T09:28:00.001-07:00

Despois de desfacer e facer maletas, de descargalas fotos e de... máis ou menos instalarme. Aquí deixo unha imaxe para o legado de Seixebra hahaha. Foi o venres 8 de agosto. A miña primeira semana en Oxford e xa dando unha clase en inglés sobre baile galego. O día antes paseimo descargando as cancións que Angel e Rosi me enviaran ao mail e preparando as instruccións en inglés (forwards-backwards ou o que é o mesmo adiante-atrás). Grazas á súa axuda, xente de Omán, Palestina, Turquía, Nova Zelanda e Reino Unido puido escoitar música galega e máis concretamente...algunhas das voces de Seixebra.
Grazas Rosi, grazas Ángel porque de non ser polos envíos da música... a ver como bailabamos a muiñeira de Laracha.

P.D. Na imaxe só se ve a metade da xente que estaba intentando collelos pasos.
Un saúdo

VIAXE Á WARNER

2008-08-25T07:53:00.000-07:00

Aquí estamos xa de volta e preparados para a seguinte, buenos algúns máis preparados ca outros porque Vicky di que ten que descansar.
A viaxe foi fantástica, podemos facer unha lista:
- Durmir no tren fatal, sobretodo eu que durmín con tres descoñecidas, unha delas chinesa quedurmiu coas gafas(dedía de ter medo que llas roubaran).
- Nada máis chegar tivemos que berrar co camareiro dunha cafetería, pparece que servir 17 almorzos pon nervoso ó personal e se son rapaces máis.
- No albergue non nos deixaban poñer as cousas nos cuartos tan cedo ( eso que me dixeron que si 3 veces por teléfono), así que tivemos que gardalas nos lockers.
- Aprendemos a viaxar en metro e a colarnos no metro, sen querer.
- Keep right, please!
- Chegamos á Warner:

Rosa montou na peor montaña rusa nada máis chegar.
Os bocadillos malísimos.
A molladura na ponte, o mellor.
Tiven moito medo na cascada e non abrín os ollos ata que chegamos abaixo.
O peor as colas, a próxima vez temos que coller o pase correcaminos.
Tivemos que correr para coller o tren das sete e collemolo no último segundo.( Quedábanos hora e media de metro e tren ata o albergue)
O chegar ducha e secador para os tenis que estaban empapados.

- O albergue coma todos, tirando cara abaixo e o almorzo básico de todo ( leite, pan, madalenas,... non había zumo).

- Jose e Xoel decidiron seguir a moda xaponesa das chanclas con calcetíns.

- Fomos ver o templo de Debod e a sentarnos nos bancos do parque.

- Algúns fomos ver o Santiago Bernabeu e a comprar que non se pode volver cos cartos para a casa.

- Viaxamos en tren durante maís de oito horas que nos deron para acabar con todo o repertorio de chistes e que non foron suficientes para descubrir nada sobre Mariña (ten a todos amenazados)

En resumen unha viaxe que nos deu para rir moitísimo; o de Espe, un puntazo ( madeiras e puntas incluídas); choramos un pouco e esta vez non foi ningunha nena, a adrenalina da Warner fai estragos; Eloi coma sempre de quiquirico e Javi, seguindo fiel ós seus principios, perdeu a carteira pero atopámola;... non sei se me queda algo pero como podedes ver foi xenial con ganas da seguinte, bicos a todos.

AGOSTO, MES INTENSO DE ACTUACIONS E UNHA VIAXE DE POR MEDIO

2008-08-18T06:34:00.000-07:00

Xa vai ala mais dunha quincena do oitavo mes do ano. Merece a pena dedicarlle unhas palabras a este agosto, xa que son moitas as actuacions (Vodas, festas...). As veces incluso duas nun dia, como ocorreu o 9 de agosto e como ocorrera o sabado 30. E a primeira vez en 10 anos que nos ocorre cousa semellante e, como non, hai que destacalo.

Todo este traballo trae consigo unha recompensa. Neste caso, como xa sabedes, a viaxe a Warner Bross, en Madrid, pero... se xa non queda nada!! Venres 22 estaredes coas maletas feitas para marchar e gozar da fin de semana.

Outros sen embargo estaremos de volta doutra viaxe, na que un dia as voces de Seixebra sonaron nunha computadora da Regent English School de Oxford. Outro matiz peculiar deste agosto de 2008, non si?

Saudos!!

CARTEL FESTIVAL SEIXEBRA- ESPETO 08

2008-07-16T15:12:00.001-07:00

VII FESTIVAL RETROUSO- CELA (BUEU)

2008-06-26T11:23:00.000-07:00

O sábado 12 de xullo celebrarase no eirado de Cela, en Bueu o VII Festival Retrouso. Haberá actividades todo o día:

11.30 h: Obradoiro de instrumentos de cana: ou de cómo crear un instrumento que sone nunha hora.

12 h: Concurso de Tortillas: demostra que realmente a túa é a mellor tortilla do mundo.14 h: Haberá mesas, carpa e boa música para comer no eirado.

16 h: Torneo de cartas: atréveste coa Manilla ou prefires tentalo na Escoba?

18 h: Concerto das Escolas Retrouso: acordeonistas, ghaiteiros, percusionistas, pandeireteiras, bailadores... demostrarán o que traballaron durante o curso.

20.30 h: Empeza os grupos de baile: Abrente do Foxo, na Estrada; Xarandeira de Pontecesures e o grupo anfitrión Retrouso, de Bueu. Porá o apuntamento musical o quinteto O Tamboril Furado, un grupo folk de Soutomaior con máis de dez anos de experiencia; un movemento musical que combina pezas tradicionais e da súa autoría nun ambiente ben festeiro, como a ocasión o merece.

Todas as actividades serán de balde.

P.D.Isto é para que saibades, eviáronolo ao correo e para difundir, sobre todo tendo en conta que é unha semana antes que o festival de Seixebra!!

FESTIVAL SEIXEBRA-ESPETO 08

2008-06-22T10:50:00.000-07:00

Xa estamos a menos dun mes do Festival que organiza a A.C. Seixebra con motivo da festa do concello de Moraña, o Carneiro ao espeto. Esta quinta edición do festival será o 19 de xullo, no lugar de costume: o patio da casa de cultura do concello.

Estades todos convidados!!

TRABALLO DE CAMPO

2008-06-10T11:58:00.000-07:00

Velaquí unha imaxe de arquivo de Seixebra. É unha recollida no Teleclube de Barro de Arén, o 16 de agosto de 2006.

Hai que recoñecer que de aí, ademais de bonitas voces e coplas que moitos crían esquecidas, tamén saiu unha reportaxe. Foi unha xornada completa de anédotas, compilación e paleta de voces e toques de pandeireta. Daquela o monte do concello de Cerdedo estaban negros polos lumes, polo que ese día de traballo de campo foi bastante peculiar.

PARA CANTAR E BAILAR

2008-06-01T11:58:00.000-07:00

De seguro que máis dun bailou algunha vez co xogo popular do Bolero ou co chotís. Concretamente se falamos de Seixebra, pois case todos cantamos e nos movemos ao son da Carraspiña ou ao ritmo do señor Padre Paulino algunha vez, sobre todo os máis pequechos.
Agora moitos nenos/as teñen a oportunidade de aprenderse as letras de cancións e xogos populares grazas ao libro Para cantar e bailar, de Luis Prego. No CD que acompaña ás páxinas podemos escoitar as melodías. É un bo agasallo e á vez unha forma de que eses xogos de sempre se manteñan vivos.

PECHAMOS CURSO E ABRIMOS TEMPADA DE ACTUACIÓNS

2008-04-27T14:43:00.000-07:00

Así é. Dende o sábado Seixebra empezará a centrarse nas actuacións que hay previstas e para pechar o curso...que mellor que unha mostra coma a ofrecida onte na casa da cultura ADR Castelao. Os pequenos foron os protagonistas e é que este ano foron moitos os novos alumnos entre 4 e 7 anos, concretamente 22. Merecían unha actuación, así tamén se van acostumando.

Foi unha mostra completa e bonita, ou iso era o que dicían algunhas críticas que chegaron aos nosos oídos. En definitiva, unha proba máis do esforzo nos ensaios e de que Seixebra está aí.

Saúdos a tod@s.

P.D. Ademais de facer mostras coma esta... algún día podiamos intentar organizar un serán, invitar a xente doutras agrupacións a que veñan pasar un bo rato, que outra xente se una para q vexa o que é un serán ... Habería que pensalo.

OS NENOS E A MÚSICA POPULAR. O LABOR DE ARDENTÍA COMO EXEMPLO

2008-03-26T11:32:00.000-07:00

Onte ás 21:40 horas moitos puidemos ver en Alalá da TVG ao grupo Ardentía. É preciso mencionalo neste blog, xa que Luis Prego, un dos seus compoñentes, é o profe de gaita, percusión e acordeón deste grupo.

Para os que non puidésedes velo, sempre podedes facelo accedendo ao arquivo da web da CRTVG. Aquí deixamos o link: http://www.crtvg.es/TVGacarta/?prog=7
Nel pódese ver o interesante labor de Ardentía. O seu traballo nómada lévaos a atravesar distintas fronteiras, unha delas a do rural e o urbano.

Este programa tamén serve para que dende Seixebra reflexionemos da importancia de propagar a música popular nas escolas. Os nenos e nenas son un activo importante para garantir a difusión daquelas melodías e letras populares, as dos avós, bisavós, tartaravós...

¿Qué ía ser daqueles bailes e cancións sacados nos momentos de troula se hoxe non existisen grupos de música tradicional e asociacións culturais encargadas de mantelos? Si... a pregunta é longa, pero con senso.

O labor de Seixebra e doutros coma nós é unha mostra clara. Non hai máis que mirar para o grupo dos máis pequechos para recoñecer a importancia que ten a transmisión da cultura popular. Este curso empezaron uns doce e da gusto velos, sobre todo se se nota que lles gusta. Esa é a intención, que o pasen ben bailando, cantando e tocando.

Onte Luis dicía en Alalá que lle satisfacía máis tocar nos colexios diante dos nenos que nun auditorio cheo de xente. Ver que os máis novos se interesan é unha das cousas que máis enche, meterlles ese bechiño no corpo. Cremos que isto é común para moitos profesionais da música popular galega porque se esforzan para que isto suceda.

PROPOSTA PARA COMPLETAR O ÁLBUM

2008-01-12T10:08:00.000-08:00

Boas ás persoas que vexades isto!! Como agora Seixebra ten un espazo de fotos en Picasa (http://picasaweb.google.com/seixebra), anímovos a que xuntedes fotos do grupo para clasificalas e subilas á rede. Pódense crear álbumes segundo o ano, a temática, por exemplo: entroido, festivais, Nadal... e todo o que se nos ocorra.
O mellor sería que un CD regravable se turnase entre aqueles do grupo que teñen fotos para que gravasen as súas e así xuntalas (non teñen que ser todas eee!!!, podedes escoller). Despois toca seleccionalas e subilas á rede. Pode quedar un traballo de compilación chulo. ¿Que dicides?

Preparados para o entroido?

2008-01-09T12:42:00.000-08:00

Non queda nada para o entroido e aínda non sabemos de que vamos a ir disfrazados, o ano da tribo Massai foi un éxito, pintar os collares de macarrons, ensaiar o baile, buscar bidóns de lata para os tambores, ensaiar as percusións,... creo que foi un dos anos que mellor o pasamos.

PASOS DE 2008

2008-01-09T11:29:00.000-08:00

Vai sendo hora de que Seixebra de sinais de vida en 2008. Xa había tempo que non se escribía por aquí e hai que retomalo.
Un ano máis quedan atrás os cantos de Reis que o grupo vai interpretando porta a porta. En Moraña xa somos máis que coñecidos porque foron moitas as casas nas que deixamos as nosas melodías, o son da pandeireta, a botella de anís, as cunchas, o acordeón, as cucharas...Todo para acompañar ás voces dos cantos que antigamente outras xentes difundían. É bonito conservar a tradición. As letras da parroquia de Santa Cruz, en Moraña e de Beariz (Ourense), entre outras, acompañan ao grupo dende hai cinco ou seis anos.

Desta vez, o catro de xaneiro, foron os da aldea de Sabadín os que abriron as portas para escoitar.
Ao día seguinte celebrábase a Cabalgata, este ano no pavillón debido á choiva. Alí tamén estivemos, noutra cita fixa.

Por Soutomaior estivemos

2007-11-27T05:10:00.000-08:00

O sábado 24 de novembro Seixebra estivo no III Festival Folclórico da Asociación Cultural Tralovalo de Moreira (Soutomaior).
O encargado de presentar o evento foi Luis Prego, profe que ámbalas agrupacións temos en común.
Algúns dos compoñentes de Tralovalo acompañáronos en actuacións como a de O Porto no 2005, o Festival do Rancho Típico do Ilhèu. ¡Moitas grazas por colaborar con nós!

ALGO ASÍ COMO UNHA PRESENTACIÓN

2007-11-20T02:06:00.000-08:00

Nunca faltamos na Festa do Carneiro ao Espeto

A imaxe que aquí queda pertence a Festa do Carneiro 2005. Estabamos preparándonos para "entrar a escena". Dende que aparecemos como asociación sempre actuamos nela. O mellor dese día quizais sexan as caras de sono e resaca da xolda da noite anterior. É algo que nos caracteriza ano a ano.
Ademais levamos catro xullos organizando un festival folclórico no que participan grupos doutras zonas de Galicia.
Para quen non o saiba, en total somos máis de corenta membros repartidos nas escolas de baile gaita percusión e acordeón.Os que tiveron a oportunidade de vernos en escena, decataránse de que somos un grupo que comprende idades moi variadas, pois ademais dos nenos e mozos, moitos dos pais tamén se animaron a picar no chan.Participamos en diversos festivais e concursos da xeografía galega, así como en numerosas actividades do concello. Non hai máis que acudir a eventos como o magosto, a Cabalgata de Reis, o desfile de entroido… para saber que Seixebra está alí.Agora tamén estamos na rede, así que xa vos podedes animar a participar nestoutra esmorga.

"AGHORA COMENZO EU"

2007-11-20T02:05:00.000-08:00

En fin, espero que este sexa o principio dun recuncho fructífero de comentarios, propostas e como non, do que Seixebra vai facendo. Pouco a pouco iremos dándolle forma ao noso blog. Está ben que sexa entre todos e que aportemos material, que falta fai. Hai que deixar constancia do que facemos nalgún lugar ¿non?Nestes momentos Seixebra está en Sestao (Bilbao). Alí foi para actuar no Magosto que organiza a Casa de Fillos de Galicia. Aquí contaremos a experiencia!!

P.D. A foto é dos preparativos antes de actuar.